Willkamen

De Bremer Norden ist veel mehr as een Stadtdeel. Dat is en „Deel-Stadt“ mit en ganz besünnere Geschicht, Struktur, Architektur un Wertschaps-entwicklung. Un mit Lüüd, de noch jümmer „na Bremen föhren“, wenn se in de Stadt föhren wüllt. Wi, de Greeters, köönt di dat mööglich maken, in düsse ganz besünnere Atmosphäre rin to snuppern. Wi wiest di de Ümgegend evenso authentisch as individuell – afsehn vun offiziell Frömdverkehrsprogrammen – ut den Blickwinkel vun en Inheimischen. Bremen Greeters sünd en gemeennütz Projekt un höört to de International Greeter Association.

Wokeen sünd wi Greeters?

Wi bringt neeschierige Bremen-Noord-Gäst mit engageerte Noordbremer tosommen. „De kaamt as Gäst un gaht as Frünnen“ is siet bald 30 Jahrn dat Motto vun de Greeters, de weltwiet ehrenamtlich in Insatz sünd.
Wi sünd keen utbildt Stadtführers un wüllt uns ok ünnerscheden. Wiel uns Blickwinkel bi de Greeten in’ Vördergrund stahn schall un nich de List vun historsch Daten un Fakten. Wi wiest de Gäst uns Oortsdeel, bringt jem de Minschen un ehr Ümfeld neger un dat ahn Betahlen un ahn en Drinkgeld – evenso as dat ok en Fründ ganz un gaar so maken de.

Core Values: Uns Grundwerten

All Greeters in de International Greeter Association deelt de glieken Grundweerten (Core Values):

• Greeter arbeidt ehrenamtlich, se heet all ehr Besökers vun Harten willkamen.
•  Greeters begrööt eenzeln Gäst oder bannig lütt Gruppen bit maximal söss Personen. In’ Vördergrund steiht de Dialoog twüschen Greeter un Gast. De Spazeergang mit en Greeter is kostenlos.
•  All Gäst un Ehrenamtlichen sünd ahn Diskrimineeren willkamen.
•  De Greeter-Organisatschonen ünnerstütt nahhollen Tourismus. Se respekteert de natürliche un soziale Ümwelt un föddert de kulturelle Entwicklung vun lokalen Gemeenschoppen.
  Greeter föddert den gooden Naam vun ehr Heimatorte / ehr Region.
• De Greeter-Organisatschonen geeft Greeters un Gäst de Mööglichkeit to’n gegensiedig kulturell Uttuuschen. Se helpt bi’t Oprichten vun en betere Welt dör dat Herstellen vun Kuntakt vun Minsch to Minsch.