Kumm as Gast, geih als Fründ
Över de Greeter
De Idee
De Idee wöör 1992 in New York baren, as Lynn Brooks de “Big Apple Greeters” grünnd hett. Sietdem wöörn Greeter-Gruppen in mehr as 130 Städer un Regionen rund üm de Welt grünnd, vun Argentinien bit Vietnam. Wenn du mehr weten wullt över Lynn Brooks un de Geschicht vun de Greeter Idee: Lynn Brooks und die Geschichte der Greeter Idee.
All Greetergruppen deelt de glieken Grundweerten.
Wat du ook weten schullst: de Greeters seggt normalerwies „Du“ toeanner, ganz in’ Sinn vun den persönlichen Kuntakt un dat Motto: „Kom as Gast, gah as Fründ“.
Greeter begrööt Gäst vun ehr Stadt/Region un begleit se op en twee- bit dreestünnig persöönlichen Rundgang af vun de begäng Touristenpadden. Greeters sünd Freewillige, de ehr Stadt/Region leevt un düsse Leevd geern mit ehr Gäst deelt.
Bi en Rundgang ward ji de Stadt to Foot oder mit Stratenbahn un Bus utforschen. Of du en Stadt to’n eersten mal besöchst or fakener, de Greeters freit sik op di. Un natürlich sünd ok Bremer/innen hartlich inlaadt, eenmal en anner Sicht op ehr Stadt to kriegen.
Wat is en Greet?
Uns twee- bit dreestünnige Spazeergäng’ richt sück nah uns un den Interessen vun uns Gäst. Wi Greeters engageert uns freewillig un meldt uns för de Fragen, op de wi Lust hebbt. Wi draapt uns op Ooghööcht un interesseert uns ok för ehrn Achtergrund. So könnt ut Gäst Frünnen warn. Achtung: En Greet is keen Stadtführung! En Greet is nich to „buchen“!
Wat kost en Greet?
En Greet is kostenlos. Wi hebbt Freud, jo kennentolehren un jo uns Stadt to wiesen. Över Towennen (för to’n Bispeel Flyer etc.) op uns Greeterkonto freuen wi uns aver sehr!
Wo kann man en Greet anfragen?
Över uns Anfrageformular beedst Du üm en Greet. Asbald as wi en passen Greeter funnen hebbt, schckt wi di de Kontaktdaten to. Von nu af an mööt ji, Du un dien Greeter, jo ganz genau besnacken woans joon Spazeergang afloopen schall. Wenn sik keen Greeter meldt, mööt wi di en Afseggen toschicken.
Wo kümmt Gast un Greeter toenanner?
Asbald as wi en passen Greeter funnen hebbt, kriggt de Gast all nödig Informatschonen (Naam, Telefon, Email) üm dat Drapen nipp un nau to besnacken. En Kopie geiht an den Greeter. Vun düssen Dag an organiseert Gast un Greeter ehr Drapen. Wenn en Drapen (Greet) vun den Greeter kortfristig afseggt warrn müss (to’n Bispeel wegen Krankheit), gifft sick dat Organisatschoonsteam Möh, üm kortfristig Ersatz to finnen.
Woveel Lüüd sünd in en Grupp?
De gröttste Gruppengrött liggt bi söss Lüüd, wiel de Greeters jem ehr Gäst individuell betreuen un de Stadt as mit Frünnen utforschen wüllt. De Gäst kennt sik jümmer ünnerenanner, denn wi leggt Greetanfragen grundsätzlich nich tosommen – ok nich bi Engpässen. Op de anner Siet deelt wi ok keen Gruppen: En Bedrievsutfloog verdeelt wi also nich op mehrere Greeters, man wi schickt jem to de professionellen Stadtführers.